ДУШАНБЕ, 8 сен — Sputnik. Вазорати умури хориҷии Покистон гуфт, Покистон нишасти виртуалии вазирони умури хориҷии кишварҳои ҳаммарз бо Афғонистонро роҳбарӣ мекунад.
"Вазири корҳои хориҷӣ Шоҳ Маҳмуд Қурайшӣ раҳбарии ин нишастро ба зима дорад, ки дар он Чин, Эрон, Тоҷикистон, Туркманистон ва Ӯзбекистон ширкат хоҳанд кард", - гуфтаанд дар вазорати корҳои хориҷии Покистон.
Гуфта мешавад, ки дар ин нишаст вазъи рушдёбанда дар Афғонистон баррасӣ мешавад.
Кишварҳо мушкилоти муштарак ва ҳалли муштараки онҳоро барои таъмини суботи минтақавӣ баррасӣ хоҳанд кард.
Ҳамзамон, Вазорати умури хориҷии Покистон афзуд, ки "ҳамсоягони Афғонистон барои суботи кишвар манфиатдоранд".
Қайд карда мешавад, ки Афғонистони ором, устувор, муттаҳид, соҳибихтиёр ва шукуфон ба тиҷорати транзитӣ ва амнияти минтақа мусоидат хоҳад кард.
Қарор аст, мулоқоти вазирони корҳои хориҷӣ бар пояи музокироте сурат бигирад, ки дар сатҳи намояндагони вижаи кишварҳои ҳамсояи Афғонистон як ҳафта пеш баргузор шуда буданд.