ДУШАНБЕ, 3 сент — Sputnik. Толибон * Чинро шарики асосии худ медонанд. Дар ин бора дар сӯҳбат бо La Repubblica намояндаи ҷунбиш Забиуллоҳ Муҷоҳид гуфтааст.
"Чин ба мо як имкони асосӣ ва истисноиро фароҳам меорад, зеро он омода аст ба кишвари мо сармоягузорӣ кунад", - гуфт ӯ.
Ба гуфтаи Муҷоҳид, Пекин ният дорад дар барқарорсозии Афғонистон пас аз ҷанг саҳм гузорад.
Сухангӯи ҷангиён гуфт, ки Толибон* ба лоиҳаи иқтисодии Чин "Як камарбанд як роҳ" мусбат менигаранд.
Чунин иқдом, ба гуфтаи Муҷоҳид, "Роҳи абрешими қадим" -ро эҳё мекунад.
Инчунин, радикалҳо ба кумаки Пекин дар барқарорсозии саноати маъдани ҷумҳурӣ умед мебанданд.
"Ба туфайли хитоиҳо конҳои мисии Афғонистон метавонанд ба истеҳсол баргардонида шаванд ва барқарор карда шаванд", - гуфт Муҷоҳид.
Вай афзуд, ки Чин ба Кобул барои ворид шудан "ба ҳама бозорҳои ҷаҳон" кумак хоҳад кард.
Ёдовар мешавем, ки ҷангиён қаблан нақшаҳои ҳамкорӣ бо Пекинро эълон карда буданд. Илова бар ин, онҳо ният доранд Туркияро ба раванди бозсозии Афғонистон ҷалб кунанд.
Ба гуфтаи радикалҳо, Анкара метавонад ба Толибон* дар рушди иқтисод, тандурустӣ, энергетика, маориф ва дигар соҳаҳо кумак кунад.
* - созмони террористие, ки дар Русия ва Тоҷикистон мамнӯъ аст.