Марзи Тоҷикистону Афғонистон: ҳоло чӣ рух дода истодааст?

Сиёсатмадори афғон: Толибон* бо Аҳмад Масъуд аз сулҳ нахоҳанд гуфт

Сиёсатмадори афғон бовар дорад, ки Толибон* ва Ҷабҳаи муқовимати Панҷшер ба мувофиқа намерасанд
Sputnik
ДУШАНБЕ, 1 сен — Sputnik. Сафири Афғонистон дар Тоҷикистон Муҳаммад Зоҳир Ағбар гуфт, ки Толибон* ба ҳалли мусолиматомези масъала майл надоранд.
Вай афзуд, ки ҷангҷӯён бо Ҷабҳаи муқовимати Панҷшер бо раҳбарии Аҳмад Масъуди хурдӣ музокира нахоҳанд кард.

"Онҳо эълон мекунанд, ки барои сулҳ омадаанд, аммо ба музокирот бо роҳи сулҳ розӣ намешаванд", - гуфт Ағбар.

Сафир афзуд, ягона фишанге, ки метавонад Толибонро* ба музокира водор созад, фишори ҷомеаи ҷаҳонӣ аст.
Ҷабҳаи муқовимати Панҷшер ва Толибон* ба мувофиқа нарасиданд
Панҷшер ягона вилоятест, ки ба Толибон* таслим нашудааст. Тарафҳо омодагии худро барои муколама эълон карданд, аммо тибқи маълумоти охирин, раҳбари комиссияи Толибон* Амирхон Муттақӣ ноком шудани музокиротро эълон кард.
Дипломати афғон: Панҷшер то охир зидди Толибон* муқовимат хоҳад кард
Дар ҳоли ҳозир Толибон* Панҷшерро иҳота кардаанд, ҷангҳо дар чанд самт идома доранд, аммо ҳамлаҳои ҷангҷӯён аз ҷониби нерӯҳои муқовимат рафъ карда шуданд.
* - ташкилоти террористӣ, ки фаъолияташ дар Русия ва Тоҷикистон мамнӯъ аст