Дар фурудгоҳи Кобул якбора ду инфиҷори бузург рух дод, ки дар натиҷа даҳҳо куштаву захмӣ бар ҷой гузошт. Байнашон сокинони осоишта, низомиёни Амрико ва толибон низ буданд
Таркиши аввал дар дарвозаи Эбби, яке аз даромадгоҳҳои асосии майдончаҳои фурудгоҳ ва дуввумӣ дар дохили ё наздикии меҳмонхонаи Барон садо дод.
Созмони террористии "Давлати исломӣ", ки дар Русия мамнӯъ аст, фавран масъулияти ҳамлаи террористиро, ки даҳҳо нафарро кушт, ба ӯҳда гирифт.
Афзун бар ин дар гӯшаҳои гуногуни шаҳр боз дастикам се таркиши дигар шунида шуд
Садҳо сокини ғайринизомӣ бо ҷароҳатҳои гуногун ба бемористонҳои Кобул интиқол ёфтанд.
Толибон ҳамчунин хабар доданд, ки дар ин ҳамлаҳо дастикам 28 узви ин гурӯҳ кушта шудаанд. Онҳо ин ҳамларо шадидан маҳкум карданд ва ваъда доданд, ки гунаҳкоронро ба ҷавобгарӣ мекашанд.
Ҳамлаи террористӣ дар Афғонистонро ҷомеаи ҷаҳонӣ маҳкум кард, аз ҷумла, Дабири кулли СММ Антониу Гутерриш бояд ин ҳодисаро бо намояндагони доимии ин кишварҳо - аъзои доимии Шӯрои Амнияти СММ баррасӣ кунад.
Ҳамзамон, хатари ҳамлаҳои нави террористӣ дар Кобул боқӣ мемонад. Сардори Фармондеҳии марказии ИМА генерал Франк Маккензи гуфт, ки ҳамлаҳои нав ба фурудгоҳ дар пойтахти Афғонистон истисно нестанд.