ДУШАНБЕ, 27 авг — Sputnik. Аз аввали соли равон дар Тоҷикистон ҳаҷми муомилоти тиҷорати хориҷӣ ба таври назаррас афзоиш ёфтааст.
Ҳамин тариқ, тибқи маълумоти Вазорати рушди иқтисод ва савдои ҷумҳурӣ, дар 7 моҳи соли 2021 кишвар беш аз 3,55 миллиард доллар гардиши молиро ба даст овардааст.
Ҳамин тавр, афзоиш назар ба соли гузашта 44,7 дар садро ташкил медиҳад.
"Воридоти мол ба ҷумҳурӣ 2,2 миллиард долларро ташкил дод, ки нисбат ба ҳамин давраи гузашта 27% бештар аст", - омадааст дар иттилоия.
Дар ин давра ҷумҳурӣ ба маблағи қариб 1,3 миллиард доллар маҳсулот содир кард, ки нисбат ба ҳамин давраи соли 2020 қариб ду баробар зиёд аст.
Қобили зикр аст, ки Швейтсария шарики асосии тиҷоратии Тоҷикистон боқӣ мемонад: гардиши мол байни ин кишварҳо дар 7 моҳи соли ҷорӣ 723 миллион долларро ташкил додааст.
Ба се шарики асосии ҷумҳурӣ инчунин Русия ва Қазоқистон шомиланд. Ҳаҷми тиҷорат бо ин кишварҳо мутаносибан 640 ва 643 миллион долларро ташкил медиҳад.