ДУШАНБЕ, 26 авг — Sputnik. Тибқи иттилои як қатор расонаҳои амрикоӣ, дар пайи таркиш дар фурудгоҳи Кобул артиши ИМА осеб дидааст.
The Wall Street Journal аввалин шуда дар бораи қурбониён бидуни тафсилоти ҳодиса хабар дод. Яке аз шоҳидони айнӣ, ки дар канори издиҳом буд, гуфт, ки таркиш дар байни ҳазорон нафар рух додааст. Вай афзуд, ки ӯ дид, ки чӣ қадар одамони маъюб ва хунолудро берун овардаанд.
Fox News шарҳ медиҳад, ки дар натиҷаи таркиш се низомӣ захмӣ шудаанд. Гуфта мешавад, ки дар натиҷаи ҳамлаи террористӣ дастикам 15 нафар ҷароҳат бардоштаанд, аммо шумораи кушташудагон ва захмиён метавонад хеле бештар бошад.
Инфиҷор дар минтақаи меҳмонхонаи "Барон" дар рӯ ба рӯи яке аз гузаргоҳҳои фурудгоҳи Кобул, ки қаблан низомиёни Бритониё дар он ҷо буданд, рух дод. Бино ба маълумоти пешакӣ, як маргталаб худро дар миёни издиҳом мунфаҷир кардааст.
Вазорати дифои Туркия тавзеҳ медиҳад, ки низомиёни онҳо осеб надидаанд. Сафорати Амрико дар Кобул аз ҳамватанони худ тақозо мекунад, ки бинобар хатари эҳтимолии ҳамлаи нави террористӣ фавран равишҳоро ба фурудгоҳи Кобул тарк кунанд.