ДУШАНБЕ, 21 авг — Sputnik. Вазорати маълумоти олии Афғонистон тасмим гирифтааст, ки дар ояндаи наздик дарсҳо дар донишгоҳҳои ин кишвар аз сар гирифта шавад.
"Вазорати таҳсилоти олӣ тасмим гирифтааст, ки дар ояндаи наздик дарсҳо дар донишгоҳҳои кишвар аз сар гирифта шавад", - омадааст дар иттилоия.
Хабар дода мешавад, ки муаллимон ва донишҷӯёни муассисаҳои таҳсилоти олии хусусӣ ва давлатӣ пас аз қабули қарори расмӣ дар бораи санаи аз сар гирифтани дарсҳо огоҳ карда мешаванд.
Ҳоло вазорат ба ташкили раванди таълим дар донишгоҳҳо машғул аст.
Қаблан Донишгоҳи федералии Урал эълом карда буд, ки ба донишҷӯёни Афғонистон барои қабул ва кӯчонидани онҳо дар хобгоҳҳо кумак хоҳад кард.
Дар маҷмӯъ, ҳоло дар Русия 1441 донишҷӯ аз Афғонистон таҳсил мекунанд. Аз ҳама бештар - дар Донишгоҳи дӯстии халқҳои Русия, дар ҷои дуюм Донишгоҳи федералии Урал мебошад.