ДУШАНБЕ, 19 авг — Sputnik. Вазорати тандурустии Тоҷикистон омори тозаи сироят, шифо ва марг аз коронавирусро нашр кард.
Бино бар иттилои манбаъ, имрӯз низ, назар ба шумори сироятёфтагон, шифоёфтагон бештар аст.
Ҳамин тавр, 20 август дар ҷумҳурӣ 48 ҳолати нави сироятёбӣ ба қайд гирифта шудааст.
Аз бемористонҳо 53 кас баъд аз табобат, мураххас шудаанд.
Дар маҷмӯъ, аз оғози ҳамагирӣ то 20 август дар кишвар 16374 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 16106 нафар (98,4%) шифо ёфтаанд.
Бино бар омори вазорат, ҳамзамон, шабонарӯзи гузашта дар кишвар ягон ҳолати фавт сабт нушадааст ва аз аввали зуҳури беморӣ то кунун 124 нафар ҷон аз даст додаанд.
Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз сокинони кишвар даъват мекунад,, ки дар ҷойҳои ҷамъиятӣ қоидаҳои пешгирикунандаи бемории коронавирусро қатъиян риоя намоянд.