ДУШАНБЕ, 21 авг — Sputnik. Олимони Донишгоҳи Йел (ИМА) гуфтанд, ки бемории зуком инсонро аз COVID-19 муҳофизат мекунад, менависад Известия.
Муҳаққиқон дар озмоишгоҳ бофтаи роҳи нафасро парвариш карданд. Сипас онро бо риновирус, ки боиси зуком мешавад сироят намуданду баъд бо коронавирус гирифтор карданд.
Пас аз тамос бо риновирус, низоми масуният фаъол шуд ва паҳншавии SARS-CoV-2 қатъ гардид.
Коршиносон шарҳ доданд, ки сухан дар бораи генҳое меравад, ки бо интерферон ангезонида мешаванд, ки дар марҳилаи аввали беморӣ фаъол мешаванд ва аз афзоиш ёфтани вирус дар бадани бемор ҷилавгирӣ мекунанд.
Онҳо умедворанд, ки кашфи онҳо дар пайдо кардани роҳҳои муассири мубориза бо коронавирус кумак хоҳад кард.
Қайд карда мешавад, ки ин усули табобатро танҳо дар оғози беморӣ истифода бурдан мумкин аст.
Пас аз сироят шудан, чунин табобат хатарнок аст, зеро сатҳи баланди интерферон метавонад системаи иммуниро аз ҳад зиёд ҳавасманд кунад, ки ҷараёни COVID-19-ро бадтар мекунад.