Вазъ дар Кобул якбора тӯли чанд соат тағйир ёфт. Дар чанд ноҳияи он Толибон пайдо шуданд. Тавре маълум буд, онҳо аз берун ворид нашудаанд, балки пештар низ ҳузур доштанд, аммо фаъол набуданд
Мардум ба таҳлука афтоданд. Онҳо барои гирифтани пулашон ва тарки пойтахт ба банкоматҳо шитофтанд.
Афзун бар ин аз субҳи ҳамон рӯз дар фазои шаҳр чархболҳои низомӣ парвоз мекарданд
Аз боми бархе сафоратҳо, аз ҷумла сафорати ИМА дуд боло мешуд. Бино бар тахмини коршиносон, намояндагони дипломатӣ оҷилан маълумотҳои махфиро нобуд сохтанд
Сокинон худро ба фурудгоҳ мезаданд. Онҳо омода буданд, ки ҳатто бидуни ҷои нишаст ба тайёра чипта харанд
Толибон дар ҳамин ҳол изҳор медоштанд, ки вориди гуфтушунид бо ҳукумат шудаву бо роҳи осоишта пойтахтро гирифтанианд
Фурудгоҳро низомиёни амрикоӣ ва бритониёӣ ҳимоя мекарданд
Дар ҳамин ҳол, толибҳо дар шаҳр парчамашонро бармеафрохтанд
Мардум то ҳол бо умеди тарки Афғонистон худро ба фурудгоҳ мезананд
Аммо парвозҳо мавқуф гаштаву фурудгоҳро низомиён иҳота кардаанд
Феълан аксҳои Ашраф Ғанӣ дар кӯчаҳои шаҳр аз ӯ нишона аст ва эҳтимоли ғолиб ба наздикӣ онҳоро низ бармекананд.