ДУШАНБЕ, 12 август - Sputnik. Ба нақл аз хабаргузории ИРНА Иброҳим Раисӣ, раисҷумҳури тозаинтихоби Эрон рӯзи 11-уми август Ҳусейн Амир Абдуллоҳиён, ба унвони вазири умури хориҷии кишвараш муаррифӣ кард.
Абдуллоҳиён ҷойгузини Муҳаммадҷавод Зариф шуд, ки ба муддати 8 сол вазири корҳои хориҷӣ дар ҳукумати Ҳасани Руҳонӣ буд.
Гуфта мешавад, ки Ҳусейн Амир Абдуллоҳиён ба унвони як дипломати зидди Ғарбӣ дониста мешавад
Ҳусейн Амир Абдуллоҳиён дар замони раёсати ҷумҳури Маҳмуди Аҳмадинажод муовини вазири корҳои хориҷӣ дар умури Африқо ва ҷаҳони араб буд.
Ба иттилои бархе аз расонаҳо Абдуллоҳиён бо нерӯҳои Сипоҳи посдорони инқилоби исломии Эрон робитаҳои наздик дорад.