ДУШАНБЕ, 10 авг — Sputnik. Вазорати тандурустии Осетияи Шимолӣ хабар дод, ки дар беморхонаи Ёрии таъҷилии Владикавказ, беморонро бо оксиген пурра таъмин намуданд, хабар медиҳал РИА Новости. Қаблан дар ин беморхона бар асари як садама 11 нафар аз нарасоии оксиген ҷон бохтанд.
Ба иттилои манбаъ, ба ин беморхона якбора чанд мошин аз минтақаҳои гуногун газ интиқол доданд.
Аз ҷумла се тонна аз Кабардино Балкар, чор тонна аз Ставропол ва ҳашт тонна аз Краснодар ворид шуд. Як тоннаи дигар аз аэродроми Армияи 4 -уми Нерӯҳои Ҳавоӣ ва Дифои Ҳавоии Округи Ҳарбии Ҷанубӣ, ки дар Моздок ҷойгир аст, фиристода шуд.
Рӯзи душанбе дар ин беморхона садама ба амал омад, ки 11 нафари аз 47 то 85 - сола фавтиданд. Вазорат вазъи саломатии ҳар 9 нафарро ниҳоят вазнин арзёбӣ карда буд.
Феълан кумитаи тафтишотӣ дар робита ба вазъияти рухдода парвандаи ҷиноӣ кушода, тафтишотро дар ин самт идома медиҳад.