ДУШАНБЕ, 5 авг – Sputnik. Самаранокии ваксинаҳои мавҷудаи коронавирус бо пайдоиши штамми делта коҳиш ёфт, менависад Bloomberg.
Нашрия таъкид мекунад, ки эҳтимолияти пешгирии беморӣ пас аз ваксинзанӣ ҳамагӣ 49% арзёбӣ мешавад. Ва самаранокии доруҳо бар зидди ин маризӣ то 59% коҳиш ёфтааст.
Дар ин бора тадқиқоти ахири олимони бритониёӣ шаҳодат медиҳад, ки дар он 98 ҳазор нафар иштирок кардааст.
Барои мубориза бо ин намуди коронавирус як ваксинаи нав лозим аст ва коршиносони ҷаҳонӣ айни замон дар паи таҳияи он ҳастанд.
Интизор меравад, ки ваксинаи нав натанҳо алайҳи делта, балки бар зидди штаммҳои дигари COVID-19 низ самаранок хоҳад буд.
Дар навбати худ, кормандони Роспотребнадзор гуфтанд, ки ваксинаҳои мавҷуда дорои хосиятҳои хуби пешгирикунанда ва муҳофизатӣ аз навъи делта буда, аз шаклҳои вазнини он муҳофизат мекунанд.
Ёдовар мешавем, ки навъи нави коронавирус бори аввал дар Ҳиндустон кашф шуд. Он бо суръати баланди сироятёбӣ аз дигар штаммҳо фарқ мекунад.
Чунин штамм ду-се маротиба муҳофизати иммунитетро дар бадани эмшудаҳо ва шифоёфтагон аз сабаби мутатсия, коҳиш медиҳад.
Қаблан Денис Логунов, муовини директори Маркази тадқиқотии Гамалея гуфта буд, ки штамми делта самаранокии ваксинаи "Спутник V" -и Русияро 2,6 маротиба коҳиш додааст.
Ҳамзамон директори ин созмон Александр Гинсбург аз нияти таҳияи доруҳои дигар бар зидди навъҳои нави беморӣ хабар дода буд.