ДУШАНБЕ, 27 июл - Sputnik. Шаби 27 июл дар кӯчаи Казанскии Санкт-Петербург занозании гурӯҳӣ бо иштироки наздик ба шаш нафар рух дод, менависад gazeta.spb.ru.
Дар наворҳои видеоӣ, ки аллакай дар Интернет паҳн шудааст, дида мешавад, ки пиёдагард ва як қисми роҳи мошингард барои ҷҷавонон ба як майдони набард табдил ёфтааст.
Дар навор дида мешавад, ки бархе ҷавонон занозанӣ мекарданду дигарон кӯшиш мекарданд, онҳоро аз ҳам ҷудо намоянд, аммо бенатиҷа.
Сокинони Санкт-Петербург дар бораи занозаниии шабона, ки дар маркази шаҳр рух дод, дар шабакаҳои иҷтимоӣ шарҳ доданд, ки ин дафъа занозанӣ бо иштироки муҳоҷирони меҳнатӣ аз набардҳои MMA бадтар буд.
Мақомоти ҳифзи ҳуқуқ то ҳол дар ин бора шарҳе надодааст.
Инчунин маълум нест, ки дар ин занозании гурӯҳӣ шаҳрвандони кадом давлат иштирок доштанд ва сабаби муноқиша байни онҳоро дар чӣ будааст.
Чанд рӯз қабл, дар шаҳраки Апрелевкаи вилояти Маскав низ занозании гурӯҳии муҳоҷирон рух дода буд.
Маълум аст, ки дар ин ҳодиса тақрибан 20 нафар иштирок доштанд. Ҳангоми задухӯрд муҳоҷирон аз чӯбу шишаҳо истифода карданд. Дар натиҷаи занозанӣ чанд мошин осеб дид.