ДУШАНБЕ, 24 июл — Sputnik. Ахиран Қӯшунҳои сарҳадии Кумитаи давлатии амнияти миллии Тоҷикистон ҳодисаи тирпарронӣ дар марзи Тоҷикистону Қирғизистонро шарҳ дод.
Бар хабари котиботи КДАМ, рӯзи 24 июл, бо мувофиқаи раисони ҷамоати Чоркӯҳи шаҳри Исфара ва Оқсойи ноҳияи Бодканд, сокинони шаҳри Исфара ба тоза намудани мавзеи "Қумммазор" - и ҷамоати деҳоти Чоркӯҳ шурӯъ намуданд.
Зимнан, соати 9:30 беш аз 20 нафар сокинони деҳаи Коктоши ҷамоати Оқсойи ноҳияи Бодканди Қирғизистон ба мавзеи наздисарҳадии "Қуммазор" омада, бо шаҳрвандони Тоҷикистон муноқишаи лафзӣ намуданд.
Манбаъ меафзояд, шаҳрвандони Қирғизистон нахуст тарафи сокинони Чоркӯҳ санг андохтанд.
Дар ҳамин ҳол, ба ҷойи ҳодиса сарҳадбонони ҳар ду ҷониб ҳозир шуданд
" Сарҳадбонони Қирғизистон бар хилофи талаботи муқаррароти банди 4-уми Меморандум оид ба ҳамдигарфаҳмӣ байни КДАМ ҶТ ва КДАМ ҶҚ (ш.Тошканд, 07.11.2019), Протоколи мулоқоти кории Фармондеҳони ҚС ҶТ ва ҶҚ аз 20.06.2007 ва дигар созишномаҳои баимзорасида амали ғайриқонунии сокинони деҳаи Коктошро дастгирӣ намуда, бе ягон асос нисбат ба шаҳрвандон ва сарҳадбонони Тоҷикистон аз силоҳи оташфишон истифода карданд", - таъкид мешавад дар хабари КДАМ Тоҷикистон.
Пас аз ин ҳодиса, марзбонони тоҷик ба амали ғайриқонунии сарҳадбонони қирғиз ҷавобан тир кушоданд.
КДАМ Тоҷикистон меӯяд, масъалаи зикргардида мавриди баррасӣ ва таҳқиқи намояндагони расмии мақомоти дахлдори тарафҳо қарор дорад.