ДУШАНБЕ, 17 июл - Sputnik. Натиҷаҳои нахустин таҳқиқоти васеъмиқёси мушоҳидавӣ, ки дар он беш аз 70 ҳазор беморони гирифтори коронавирус дар 302 беморхонаи Бритониёи Кабир ширкат карданд, дар маҷаллаи The Lancet нашр шуд.
Вазифаи муаллифон, муайян кардани мушкилоти асосие мебошад, ки дар беморони COVID-19 ба вуҷуд меоянд, хабар медиҳад РИА Новости.
Тадқиқот нишон дод, ки тақрибан нисфи беморон - 36.367 аз 73.197 - ҳангоми бистарӣ шудан ба як ё якчанд мушкилот дучор шуданд.
Мардон ва ашхоси аз 60-сола боло, бештар азият мекашиданд, аммо мушкилот ва натиҷаҳои бади функсионалӣ ҳатто барои ҷавонон ва одамони солим низ, маъмул буданд.
Ба мушкилоти маъмултарин ихтилоли гурда, бемории роҳи нафас инчунин мушкилоти дилу рагҳо, асаб, меъда ва ҷигар дохил мешаванд.
"Ҳоло мо дар бораи COVID-19 ва хавфҳои марбут ба он маълумоти муфассалтар дорем. Ҳатто одамони ҷавон ва умуман солим, аксар вақт пас аз гирифторӣ ба вируси корона мушкил пайдо мекунанд. Ин беморӣ хоҳ нохоҳ ба ягон узв таъсир мерасонад, аммо бештар ба гурда, дил ва шушҳо таъсири манфӣ дорад", - омадааст дар хабарнома.
Олимон мегӯянд, аҳволи аксари беморон пас аз мураххас шудан аз беморхона бадтар шуд ва баъзеҳо оқибатҳои ногувори онро моҳҳо эҳсос мекунанд.
Аз ҳама бештар бемории гурда буд - тақрибан ҳар нафари чорум - ё 24 фоизи беморон, аз ин дард азият мекашиданд. бемории роҳҳои нафас - 18 фоиз -ва системавӣ - 16 дарсад.
Тақрибан дар ҳар нафари ҳаштум, бемориҳои дилу рагҳо - 12 фоиз, мушкилоти асаб - чор фоиз, меъдаю ҷигар - камтар аз як фоиз, дида мешуд.