ДУШАНБЕ, 13 июл - Sputnik. Тибқи гузориши шабакаи телевизионии "Звезда", низомиёни пойгоҳи 201-умии Русия мутақар дар Тоҷикистон барои дафъи ҳамлаҳои террористӣ машқҳо мегузаронанд.
Тирандозони Русия чанде пеш амалиётеро барои ҳифзи пойгоҳи низомӣ аз ҳамлаи террористони шартӣ анҷом доданд.
Ба туфайли омодагии ҳаррӯза, ҳайати низомии пойгоҳ ҳар лаҳза ба муборизаи воқеӣ омода аст.
Дар эфири шабакаи телевизионии "Россия 1" машқҳо ва тирандозии танкчиёни Русия намоиш дода шуданд.
Гуфта мешавад, ки дар пойгоҳи 201-ум танҳо сарбозони шартномавӣ хидмат мекунанд: бисёре аз онҳо дар Сурия сафари корӣ доранд ва ин таҷрибаи воқеии ҷангист.
Аз замони фаъол шудани Толибон* дар Афғонистон, пойгоҳи Русия дар Тоҷикистон дар ҳолати омодабош қарор дошт:
Ҳафтаҳои охир тақрибан ҳамаи воҳидҳо машқҳо баргузор карданд. Масалан, зенитчиён зарбаи мушакии душманро дафъ карданд ва охири ҳафтаи гузашта экипажҳои тонкҳо ва зиреҳпӯшҳо бо дастгирии артиллерия дар қаторкӯҳҳо ҷанги омӯзишӣ гузаронданд.
* - ҳаракати экстремистӣ, мамнӯъ дар Тоҷикистон ва Русия