Наҷотбахшон даҳҳо хаймаҳои муваққатӣ сохтаанд, ки то ҳалли масъалаи манзил зарардидагон дар онҳо бимонанд
Дар маҷмӯъ, беш аз 20 хона ва биноҳои шафати он осеб дида, мардум ба ҷойҳои амн интиқол дода шуданд.
Заминларзаи шашбаллӣ хонаҳоро ба маънои том хароб кард: деворҳо ва сақфҳо фурӯ рехтанд.
Илова бар ин, заминҷунбӣ ҷони панҷ сокини маҳаллии Лангари Шоҳро гирифт, боз ду кӯдаки дигар ҳангоми харобшавӣ маҷрӯҳ шуданд ва ҳоло дар беморхонаи Тоҷикобод бистариянд.
Илова бар ҷамоати Лангари Шоҳ, деҳаҳои ҷамоати Ҳиҷборак ва Аскалони минтақаи Рашт низ осеб дидаанд.
Дар Лангари Шоҳ дар маҷмӯъ 29 хона осеб дидаанд: ҳафт хонаи пурра хароб, 10 хона қисман ва боқимондаҳо зарар дидаанд.
Мақомот мегӯянд, дар ҳоли ҳозир маводи ниёзи аввалия ба зарардидагон таъмин аст.
Дар ҷамоати Ҳиҷборак 92 хона осеб дидааст: 14 хонаи комилан ва 11 хонаи дигар қисман хароб шудааст.
Рӯзи сеюм аст, ки мақомот ҳисоб кардани зарари заминларзаи харобиоварро идома медиҳанд.