ДУШАНБЕ, 12 июл — Sputnik. Раисиҷумҳури Туркманистон, Қурбонгулӣ Бердимуҳаммадов бо судури як фармон фарзанди худ, Сардор Бердимуҳаммадовро ба мақоми ноиби сарвазир оиди масъалаҳои молия ва иқтисод таъйин намуд.
Манобеи Sputnik Туркманистон хабар медиҳад, ки қаблан дар ин мақом Гадиргелдӣ Мушшиков ифои вазифа мекард.
Ҳоло номбурда роҳбарии Бонки марказӣ аст, ҳарчанд моҳи феврал раисиҷумҳур бо як лаҳни тунд ва интиқоди шадид ӯро аз вазифаи ноиби сарвазир оиди масъалаҳои иқтисоду молия сабукдӯш карда буд.
Бояд гуфт, ки писари Қурбонгулӣ Бердимуҳаммадов то ин вақт вазифаи раиси Палатаи олии назоратӣ ифо мекард.
Сардор Бердимуҳаммадов ҳамчунин аз Шӯрои амнияти давлатӣ ҳам хориҷ карда шуд.
Манбаъ меафзояд, писари Президент инчунин намояндаи нави Туркманистон дар Шӯрои иқтисодии кишвар интихоб гардид.
Сардор Бердимуҳаммадов 39 сол дорад ва замоне раиси вилояти Аҳали Туркманистон буд.