ДУШАНБЕ, 7 июл – Sputnik. Ваксинаи "Спутник V" -и Русия тақрибан дар 70 кишвар истифода мешавад, аммо то ба ҳол аз сабаби баҳсҳо оид ба таъсири манфӣ аз Созмони ҷаҳонии беҳдошт тасдиқ нагирифтааст, менависад маҷаллаи Nature.
Муаллифи мақола қайд мекунад, ки "Спутник V" аввалин доруи сабтиномшуда дар ҷаҳон барои пешгирии COVID-19 шуд ва аз ҷониби даҳҳо иёлот тасдиқ гирифт, аммо барои паҳнкунии ҷаҳонӣ иҷозати СҶБ зарур аст. Бисёр эпидемиологҳои хориҷӣ маҳз ҷанбаи дар кутоҳтарин фурсат эҷод шудани ин ваксинро танқид намуданд.
Аммо ин нобовариҳо пас аз нашр шудани мақолае дар The Lancet маҷрои дигар гирифтанд, зеро дар мақола таъйид шуд, ки самаранокии ваксини истеҳсоли Русия 91,6 дарсад аст ва пас аз ваксин гирифтан бо ин дору ҷараёни беморӣ сабук мегузарад.
Зимнан, моҳи апрели соли 2021, Институти Гамалеи маълумоти нав нашр кард, ки тибқи он самаранокии ваксини мазкур ба 97,6 фисад расидааст.
Аммо бо вуҷуди танқидҳои олимони ғарбӣ, ин дору дар кишварҳое чун Кореяи Ҷанубӣ, Аргентина, Венгрия, Ҳиндустон ва Аморати Муттаҳидаи Араб таъсирнокии онро то 97,8 дарсар арзёбӣ карданд.
Дар мақола ҳамчунин зикр шудааст, "Спутник V" дар муқоиса бо "AstraZeneca" ва "Johnson & Johnson на як, балки ду аденовирус дорад, ки самаранокии онро дучанд мекунад.
Илова бар ин, пас аз ваксингирӣ бо "Спутник V" дар ягон давлати дунё ба фарқ аз ду ваксине, ки дар боло зикр шуданд, пайдо шудани тромб ба қайд гирифта нашудааст.
Аз ҷумла дар Аргентина, Бразилия ва Сан-Марино ягон маълумот дар мавриди оқибатҳои нохуб пас аз ваксингирӣ бо доруи сохти Русия сабт нагардидааст.
Муаллиф илова намудааст, ки омӯзиши минбаъдаи ваксини "Спутник V" дар Русия ва хориҷи кишвар таъсирнокии онро собит мекунад.