ДУШАНБЕ, 5 июл — Sputnik. Дар доираи нақшаи Вазорати тандурустӣ ва ҳифзи иҷтимоии аҳолии Тоҷикистон дар додгоҳи шаҳри Душанбе маъракаи ройгони ваксиназанӣ зидди бемории COVID-19 баргузор шуд.
Тибқи иттилои додгоҳи Душанбе, нахуст роҳбарияти суд ваксина гузаронида, сипас судяҳо ва ҳамаи кормандони дастгоҳи суд ваксина гирифтанд.
Ин дар ҳолест, ки ахиран Ситоди ҷумҳуриявии мубориза бо COVID-19 дар Тоҷикистон, ваксинаи зидди бемории сироятии коронавирус барои шаҳрвандони синни аз 18-сола болои мамлакат ҳатмӣ мебошад.
"Нафароне, ки ваксинаи зидди бемории сироятии коронавирус нагирифтаанд, ҳатман ба табибони оилавӣ ва ё ба муассисаҳои тандурустии маҳали зисташон муроҷиат намоянд. Ваксина ба шаҳрвандони мамлакат тариқи ройгон гузаронида мешавад", - омадааст дар муроҷиатнома.
Маъракаи ваксинагирӣ дар Тоҷикистон моҳи марти соли равон оғоз шуда, феълан идома дорад.