ДУШАНБЕ, 6 июл — Sputnik. Вазорати тандурустии Тоҷикистон омори нави гирифторӣ, шифо ва фавт аз коронавирусро нашр кард.
Бино бар иттилои манбаъ, тайи як шабонарӯзи гузашта дар Тоҷикистон афзоиши рекордии беморони коронавирус ба қайд гирифта шудааст: 32 нафар.
Тавре манбаъ менависад, давоми шабонарӯзи охир дар Тоҷикистон 32 ҳолати нави гирифторшавии шаҳрвандон ба бемории коронавируси нави COVID-19 ба қайд гирифта шуд.
Ҳамчунин 28 нафар пас аз муоилиҷа солим гардонида шуданд.
Дар маҷмӯъ, аз аввали бақайдгирӣ то имрӯз, 6 июл дар кишвар 13655 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 13410 нафар (98,2%) шифо ёфтаанд.
Ҳамзамон, бар асари бемории мазкур 95 нафар фавтидаанд.
Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз тамоми сокинони кишвар даъват ба амал меорад, ки дар ҷойҳои ҷамъиятӣ қоидаҳои пешгирикунандаи бемории коронавирусро қатъиян риоя намоянд.
Ёдрас мешавем, дирӯз дар Тоҷикистон 26 бемори нави коронавирус ошкор шуда, 2 тан дар пайи беморӣ фавтида буданд.