ДУШАНБЕ, 20 июн – Sputnik. Журналисти телевизион Анатолий Лисенко дар синни 84-солагӣ аз олам чашм пӯшид, хабар медиҳад RT.
Сабабҳои марги ӯ муайян нашудааст, аммо таъкид шудааст, ки ӯ муддати тӯлонӣ бо беморӣ мубориза бурдааст.
Анатолий Лисенко 14 апрели соли 1937 дар Виннитсаи Украина таваллуд шудааст. Хонаводаи онҳо пас аз 5 рӯзи таваллудаш ба Маскав кӯчид.
Вай бори аввал ҳамчун донишҷӯ, моҳи сентябри 1956 ба телевизион баромад.
Аз соли 1960, ӯ 5 сол дар завод кор карда, ҳамзамон бо намоишҳои ҳаваскорон машғул буд.
Аз соли 1968 вай дар редаксияи барномаҳои ҷавонони Телевизиони марказӣ ба кор шурӯъ кард. Ӯ фавран ба ҳайси муҳаррири калон таъин карда шуд.
Аз 13 июли соли 1990 то 1996 директори генералии Ширкатҳои телевизионии ВГТРК роҳбарӣ кардааст.
Аз 13 ноябри соли 1996 то 1 апрели 2000 - Раиси Кумитаи телекоммуникатсия ва васоити ахбори ҳукумати Маскав кор кард.
Анатолий Лысенко оиладор, соҳиби духтар ва писар аст.