ДУШАНБЕ, 18 июн - Sputnik. Дар яке аз деҳаҳои минтақаи Чуй марде ба ҷони мардум таҳдид карда, сӯи масҷид тир холӣ кард, хабар медиҳад Sputnik Қирғизистон бо такя ба хадамоти матбуоти Раёсати корҳои дохилии вилояти Чуй.
Изъятые у стрелявшего в мечети травматический пистолет с шестью патронами, две гильзы с двумя резиновыми пулями в пластиковом футляре, магазин и одна упаковка с 20 патронами
© ПРЕСС-СЛУЖБА ГУВД ЧУЙСКОЙ ОБЛАСТИ
Як сокини маҳаллӣ аз пулис хоҳиш кардааст, ки нисбати марде, ки рӯзи 15 июн дар ҳолати мастӣ ба масҷид омада, силоҳи оташфишон баровардаву ба ҷони намозгузорон таҳдид кардааст, чора андешад.
Вай таппончаро ба пешонии як нафар гузошт, сипас ду бор ба девор тир холӣ кард ва ғайб зад. Аз рӯи далели авбошӣ парвандаи ҷиноӣ оғоз шудааст.
Дар ҳамин ҳол, кормандони ҳифзи ҳуқуқ як гумонбари 63-соларо боздошт карданд. Аз ӯ як таппончаи травматикӣ патронҳо мусодира карда шуд.
Манбаъ афзуда, ки тафтишот аз рӯи ин ҳодиса идома дорад.