ДУШАНБЕ, 18 июн - Sputnik. Вазорати дифоъи Русия ба эҷоди як доруи нави зиддивирусӣ барои COVID-19 дар шакли сақич шурӯъ кард, гуфт як манбаъи наздик ба раёсати низомӣ ба РИА Новости.
Ин кор дар "Институти 48-уми марказии тадқиқотӣ" анҷом дода мешавад.
"Омезиши шакли дастрас бо хосиятҳои судманди дору дар мубориза бо паҳншавии сирояти нави коронавирус таъсири мусбат фароҳам меорад", - гуфт мусоҳиби агентӣ.
Инчунин, институт ваксинаҳои луобӣ алайҳи коронавирус дар шакли зефир ё қиём офарида истодааст.
"Пас аз ба итмом расидани озмоишҳо, ин ваксина ба реҷаҳои гуногуни табобат шомил карда мешавад ва ҳамчун иловаи механизмҳои мавҷудаи истифодаи доруҳои пешгирикунанда истифода мешавад", - гуфт манбаъ.
Соли гузашта Институти 48-уми марказии илмии Вазорати мудофиа дар якҷоягӣ бо Маркази миллии тадқиқотии эпидемиология ва микробиологияи ба номи Гамалея доруи рекомбинантӣ аз SARS-CoV-2 "Sputnik V" ихтироъ кард.