ДУШАНБЕ, 18 июн - Sputnik. Шаҳрдори пойтахти Русия, Сергей Собянин дар блоги худ маълумоти навро дар бораи вазъи афзоиши бемории сирояти коронавирус нашр кард.
Собянин аз ҷумла тавзеҳ дод, ки оё Маскав муҳоҷирони кориро эм мекунад ё на.
Шаҳрдори Маскав ба оғози истеҳсоли ваксинаҳои "Спутник Лайт" таваҷҷуҳ зоҳир кард.
"Ба эҳтимоли зиёд, мо барои истифодаи он барои эмгузаронии муҳоҷирон иҷозат мегирем", - навиштааст Собянин.
Вақти эмгузаронии муҳоҷирон дар Русия аввали моҳи июл аст, аммо дар шароити мусоид ин маърака метавонад барвақттар оғоз шавад.
Қаблан, масъалаи эмгузаронии муҳоҷирон дар Русия аз ҷониби муовини сарвазири Федератсияи Русия Татяна Голикова ба миён гузошта шуда буд.
Вай қайд кард, ки зарурати эмгузаронӣ дар байни муҳоҷирони меҳнатӣ ва донишҷӯёни хориҷа дар сатҳи федералӣ ҳал карда мешавад.