ДУШАНБЕ, 11 июн – Sputnik. Дар Душанбе 3 - юмин Форуми занони Созмони Ҳамкории Шанхай ҷамъбаст гардид.
Ин форум дар пойтахти Тоҷикистон бо иштироки намояндагони кишварҳои узви СҲШ ва меҳмонони даъватшуда аз ҳисоби ходимони сиёсӣ, намояндагони доираҳои соҳибкорӣ, соҳаи илм ва ҷомеаи шаҳрвандӣ баргузор гардида буд.
Ба иттилои "Ховар", меҳмонони ин форум пас аз ҷамъбасти чорабинӣ аз Қалъаи Ҳисор боздид намуданд.
Гуфта мешавад, бонувони ин ду кишвари ҳамсоя пас аз тамошои ин макони таърихӣ изҳор дошатнд, ки ёдгориҳо бозгӯи ба ҳам қаробат доштани урфу одат ва анъанаҳои миллатҳои Осиёи Миёна мебошанд.
Ёдовар мешавем, ки Форуми нахустини занони Созмони ҳамкории Шанхай таҳти унвони "Ҳамоҳангсозии қувваҳои занон барои пешбурди рушди муштарак" аз 15 то 17 майи соли 2018 дар шаҳри Пекини Ҷумҳурии Мардумии Чин доир гардида буд.