ДУШАНБЕ, 23 май - Sputnik. Натиҷаҳои Евровидение-2021-ро дар муколама бо RT Мария Катс, ки соли 1994 бори аввал Русияро дар ин озмуни байналмилалии суруд намояндагӣ кард, шарҳ дод.
Вай қайд кард, ки ба ӯ баромади як гурӯҳи рок аз Италия комилан писанд набуд ва як сарояндаи дигар бояд ҷои аввалро ишғол мекард.
"Швейтсария ба ман хеле писанд омад. Ман фикр мекунам, ки ӯ як вокалист ва навозандаи хуб аст. Вай сазовори ҷои аввал буд, бесабаб нест, ки ӯ дар овоздиҳӣ дар ҷои аввал буд", - гуфт овозхон.
Инчунин, аввалин иштирокчӣ аз Русия дар Евровидение гурӯҳи Исландияро ҷудо кард. "Ба ман Исландия хеле писанд омад - ҳам барои ҳисси ҳазлу шӯхӣ ва ҳам ҳузури бениҳоят саҳнаии он",- гуфт Катс.
Вай инчунин аз Манижа, намояндаи Русияро ситоиш кард. Мария Катс қайд кард, ки ба даҳгонаи аввал ворид шудан натиҷаи хуб аст.
Ёдовар мешавем, ки Евровидение 2021 дар Роттердамм Ҳолланд баргузор шуда. Дар финал ҳунармандон аз 26 кишвар ҳунарнамоӣ карданд ва гуруҳи роксарои Италия Måneskin бо аксарияти назарраси овозҳо пирӯзиро ба даст овард.
Дар ҷои дуввум Барбара Парви аз Фаронса бо суруди Voilà ва ҷойи сеюмро намояндаи швейтсарӣ Gjon's Tears бо суруди Tout l'Universational ба даст овард.
Намояндаи тоҷиктабори Русия Манижа Сангин бо суруди Russian Woman дар ҷойи 9-ум қарор гирифт. Ӯ ҳам аз ҷониби ҳакамон (104 хол) ва ҳам тамошобинон (100 хол) хол ба даст овард, аммо ин кофӣ набуд то дар садр қарор гирад.