ДУШАНБЕ, 23 май - Sputnik. Манижа Сангин зодаи Тоҷикистон ва намояндаи Русия дар Евровидение - 2021 ҷои 9 - ро гирифт.
Манижа бо гирифтани 204 хол - 104 овоз аз ҷониби доварон ва 100 овоз аз тарафи тамошобинон дар озмуни Евровидение ба даҳгонаи беҳтарин дохил шуд.
Ӯ дар озмуни бонуфузи Урупо, Русияро бо суруди "Зани рус" намояндагӣ кард.
Манижа дар тан пироҳани калони чархдор дошт, ки аз пораи матоҳое, ки ҳаводорони ӯ аз тамоми гӯшаи Русия барои омода намудани ин либос ирсол намуданд, дӯхта шудааст.
Ба ҷузъ аз пироҳани ғайриоддӣ Манижа дар сар рӯймоли калон бастааст.
Зимни баромад, Манижа ин пироҳани калонро мекашад ва дар либоси сурх бо навиштаҷоти Зани рус мемонад.
Матни суруде, ки бо он Манижа Русияро дар Евровидение муарифӣ мекунад. моли худи ӯст. Мусиқии ин суруд дар ҳамдастӣ бо оҳангсозони исроилӣ Ори авни ва Ори Каплан омода шудааст.
Омодагии Манижа ба озмуни Евровидение аз моҳи март шурӯъ шуд ва нахустин тамрини ӯ дар Роттердам авоили моҳи ҷорӣ сурат гирифт.