ДУШАНБЕ, 20 май - Sputnik. Дар Душанбе гуфтушуниди президентҳои Тоҷикистон, Эмомалӣ Раҳмон ва Қазоқистон Қосим Ҷомарт Тоқаев дар сатҳи баланд идома доранд.
"Роҳбари Қазоқистон Эмомалӣ Раҳмонро ба сафари расмии ҷавобӣ ба Нур-Султон даъват кард", - гуфт хадамоти матбуоти сарвари давлат.
Дар навбати худ, Эмомалӣ Рахмон ба ӯ барои даъватнома ташаккур гуфт ва ба нақши Тоқаев ва президенти якуми Қазоқистон Нурсултон Назарбоев дар рушди ҳамаҷонибаи муносибатҳо ва ба сатҳи шарикии стратегӣ расонидани онҳо баҳои баланд дод.
Ҷонибҳо дар мулоқоти имрӯза дар сатҳи олӣ масъалаҳои рушди муносибатҳои сиёсӣ, дипломатӣ, байнипарлумонӣ, тиҷоративу иқтисодӣ, илмӣ-техникӣ ва фарҳангию гуманитариро баррасӣ карданд.