ДУШАНБЕ, 14 май - Sputnik. Муноқишаи Исроилу Фаластин ба манфиатҳои амниятии Русия таъсир мерасонад. Инро президенти Русия, Владимир Путин ҳангоми мулоқот бо аъзои доимии Шӯрои Амният изҳор дошт.
"Ин дар наздикии марзҳои мо рух медиҳад ва ба манфиатҳои амнияти мо мустақиман таъсир мерасонад", - таъкид намуд вай.
Путин аз ширкаткунандагони мулоқот хоҳиш кард, то дар бораи вазъ дар Шарқи Наздик ҳозир шаванд.
Раҳбари Русия ҳамчунин таъкид кард, ки ин кишвар ба таҳдидҳо дар наздикии марзҳояш "ба таври дуруст" посух хоҳад дод.
Ёдовар мешавем, ки табодули ҳамлаҳои мушакӣ миёни артиши Исроил ва гурӯҳҳои фаластинӣ дар навори Ғазза аз рӯзи 10 май қатъ нашудааст.
Афзоиши муноқиша дар натиҷаи ошӯбҳое, ки дар масҷиди Ал-Ақсо дар Байтулмуқаддаси Шарқӣ ба вуқӯъ пайваст, пас аз қарори суд дар бораи аз хонаҳояшон дар Шайх Ҷарра берун кардани оилаҳо сар зад.
Тибқи маълумоти охирин, шумораи қурбониёни зарбаҳои нерӯҳои ҳавоии Исроил дар навори Ғазза ба 119 нафар расидааст. Дар байни онҳо 31 нафар кӯдакон ва 19 нафар занон мебошанд.