ДУШАНБЕ, 11 май — Sputnik. Хадамоти амниятии Тотористон аз кушта шудани 7 нафар дар тирпарронии мактаби Қазон хабар медиҳад.
Ба иттилои манбаъ, дар ин ҳодиса як омӯзгор ва 6 хонанда кушта шуданд. Эҳтимол теъдоди қурбониён афзоиш меёбад.
Гуфта мешавад, дар ин ҳодиса ҳамчунин беш аз 10 нафар ҷароҳатдор шуданд.
Ёдовар мешавем, ки таркиш ва тирпарронӣ дар мактаби рақами 175 - и шаҳри Қазон дар кӯчаи Файзӣ сурат гирифт.
Хадамоти ҳолатҳои фавқулода мушаххас мекунанд, ки тирпарронӣ аз ҷониби як наврас кушода шудааст ва ӯ ҳоло дар боздошт қарор дорад.
Манобеи РИА Новости менависад, ҳоло роҳбари Тотористон Рустам Маннихонов ва вазири тандурустӣ Марат Содиқов дар ҷойи ҳодиса қарор доранд.