ДУШАНБЕ, 10 май — Sputnik. Рӯзномаи Вол Стрит Журнал навишт, Иёлоти Муттаҳида тарҷеҳ медиҳад, пас аз хориҷ шудан аз Афғонистон, нерӯҳо ва таҷҳизотро ба Ӯзбекистон ё Тоҷикистон мунтақил кунад.
“Албатта ҳузури низомии Русия ва афзоиши нуфузи Чин дар минтақа барномаҳоро барои ҳаргуна истиқрори нерӯҳои Иёлоти Муттаҳида дар Осиёи Марказӣ печида мекунад”, - таъкид кардааст манбаъ дар истинод ба манобеи огоҳ.
Ин гузориш дар ҳоле мунташир мешавад, ки Залмай Халилзод, намояндаи вижаи Иёлоти Муттаҳида дар Афғонистони ҳафтаи гузашта ба ду кишвари Тоҷикистону Ӯзбекистон сафар кард.
Тоҷикистон узви комил дар Созмони паймони амнияти ҷамъӣ ба раҳбарии Русия аст ва Ӯзбекистон агарчи узвияти худро дар ин иттиҳод дар соли 2012 ба ҳолати таълиқ даровард, бо ин вуҷуд ҳамчунон равобити иқтисодӣ ва амниятии қавӣ бо Маскав дорад.
Тибқи тавофуқномаи сулҳи миёни Толибону Амрико, давлати Иёлоти Муттаҳида мутааҳҳид шуд, то аввали моҳи май тамоми нерӯҳои низомии худро аз Афғонистон хориҷ кунад.
Аммо давлати Байден замони хуруҷи тамоми нерӯҳои Амрикоиро то 11 сентябр ба таъхир андохт.