Президенти Русия Владимир Путин ва кишвардори Тоҷикистон Эмомалӣ Раҳмон ҳамроҳ ба майдони Сурх барои тамошои гузашти низомӣ омаданд.
Имсол Эмомалӣ Раҳмон меҳмони фахрии чорабинии тантанавӣ дар Майдони Сурх гардид.
Сарвари Тоҷикистон дирӯз дар доираи сафари расмӣ вориди Маскав шуд.
Аз навор дида мешавад, ки чӣ гуна Путин ва Раҳмон якҷоя ба назди трибунҳо мераванд.
Имсол дар гузашти низомии Рӯзи Пирӯзӣ, 12 ҳазор хизматчӣ ва тақрибан 200 адад техникаи ҳарбӣ иштирок мекунанд.
Ғайр аз ин, 76 чархбол ва ҳавопаймо дар осмон парвоз хоҳанд кард.
Раҳпаймоиро вазири дифоъи Русия, генерали артиш Сергей Шойгу ва Парадро фармондеҳи кулли нерӯҳои заминӣ, генерали артиш Олег Салюков роҳбарӣ мекунанд.