ДУШАНБЕ, 17 апр – Sputnik. Тавре аз аксҳое, ки хонандаҳо барои Sputnik Тоҷикистон ирсол намуданд, бар асари ин ҳодиса автомашинаи тамғаи “Nexia” аз пушт шикаста, корношоям шудааст.
Дар бораи осеб дидани мусофирони дохили он ҳоло чизе гуфта намешавад. Аз ривояти аксҳо дида мешавад, ки кормандони мошини ёрии таъҷилӣ ба ҷойи ҳодиса даъват шудаанд.
Ин ҳодисаи нохуш соати 11:10 и зуҳри имрӯз дар наздикии Идораи БДА Суғд воқеъ дар маҳаллаи 19 уми Хуҷанд рух додааст.
Сотрудники ГАИ города Худжанд
© Sputnik
Ронандаи автомашинаи “Mercedes Sprinter” рақами қайди давлатиаш 31 21 ТТ 06 микроавтобуси хатсайри № 97 Хуҷанд - Ғафуров аз уҳдаи идораи ҳаракат набаромада ба автомашинаи “Nexia” рақами қайди давлатиаш 88 79 КК 02 бархурдааст.
Зимнан дар ҷойи ҳодиса кормандони ёрии таъҷилӣ даъват шуда, ба мусофирони осебдидаи ин ҳодиса кӯмаки тиббӣ мерасонанд. Чанд корманди БДА ба ҷойи воқеа ҳозир шуда, ба таҳқиқи ҳодиса сар кардаанд.
Сотрудники ГАИ города Худжанд
© Sputnik
Карим Ҷумъаев, масъули матбуотии БДА-и Суғд, чанде пеш дар суҳбат ба Sputnik Тоҷикистон омори рухдоди садамаҳои нақлиётиро шарҳ дода иттилоъ дода буд, ки давоми ду моҳу 25 рӯзи соли ҷорӣ, дар роҳҳои автомобилгарди қаламрави вилоят 50 садамаи нақлиётӣ ба қайд гирифта шудааст, ки бар асари онҳо 23 нафар ба ҳалокат расида, 58 каси дигар ҷароҳатҳои вазнини ҷисмонӣ бардоштаанд.
Ин шумора дар муқоиса ба се моҳи соли 2020 – ба рухдоди 4 садама ва 23 ҳолати захмишавӣ зиёд рақам зада мешавад.