Бори дигар регҳои биёбони Муғулистон осмони Чинро фаро гирифтанд
Дар давоми як сол бори саввум шамол регҳои Муғулистонро ба Чин мебарад.
Осмони Пекинро абрҳои зард фаро гирифтаанд. Чанг ва рег дар ҳаво эҳсос мешавад ва нафаскаширо душвор мекунад.
Аз сокинон хоҳиш карда мешавад, ки бидуни зарурат хонаҳои худро тарк накунанд.
Сатҳи зарраҳои зарарноки PM2.5 дар ҳаво аз меъёр зиёд шуда, ба як метри мукааб 102 мкг расид. Таркиби зарраҳои PM10 бошад ба дараҷаи барои саломатӣ хатарнок - 439 мкг расидааст.
Расонаҳо қаблан навишта буданд, ки тӯфон дар даҳсолаи охир шадидтарин аст.
Тӯфони рег дар Пекин рухдоди ғайриоддӣ нест. Ин тӯфон аз биёбонҳои Вилояти Мухтори Муғулистони Дохилӣ омадааст.