ДУШАНБЕ, 10 апр - Sputnik. Як сокини Индонезия дар рӯзи хонадошавии худ ба тӯйи каси дигар бо сабаби хатои Google Maps омадааст, менависад The Indian Express.
Ин ҳодиса дар музофоти Яваи Марказӣ рух додааст.
Гурӯҳе, ки домодро ҳамроҳӣ мекунанд, тасмим гирифтанд, ки барои ёфтани роҳ ба маҳалли баргузории маросими арӯсӣ аз харитаҳои Google истифода кунанд. Аммо, бинобар номуваффақӣ дар хидмат, онҳо ба деҳаи ҳамсоя афтоданд, ки дар он ҷо арӯси дигар Мария Улфа ва шавҳари ояндааш, ки бо таъхир меомад, вохӯрданд.
"Вақте ки мардумро ҳамроҳии ин мард дидам, дар шигифт шудам, зеро ҳеҷ кадоме аз онҳоро нашинохтам", - гуфтааст духтар.
Аммо мизбонон меҳмононро хуш истиқбол карданд ва аллакай ҳангоми сӯҳбат бо онҳо, яке аз хешовандони арӯс фаҳмид, ки хатое рух додааст.
Шавҳари ояндаи Мария Улфа дар Кендал таваллуд шудааст ва одамоне, ки ба ин маросим омада буданд, аз Пемаланг буданд.
Дар натиҷа, оилаи Улфа ба гурӯҳи гумшуда дар ёфтани макони баргузории арӯсиашон кумак кард.
Корбарони шабакаҳои интернетӣ, дар навбати худ, бо ҳайрат суол гузоштааанд, ки чӣ тавр домод нафаҳмид, ки дар хонаи каси дигар қарор доранд.