ДУШАНБЕ, 7 апр – Sputnik. Вазорати дифои Тоҷикистон мегӯяд, эълон кард, ки давоми 7 рӯзи маъракаи даъвати ҷавонон ба хизмати ҳарбӣ шаҳру вилоятҳои ҷумҳурӣ чанд дарсади нақшаро иҷро карданд.
Фаридун Маҳмадализода, сухангӯи Вазорати мудофиаи Тоҷикистон изҳор доштааст, ки ВМКБ сад дарсади нақшаро иҷро карда, навоҳии тобеи марказ аз уҳдаи иҷрои 77 дарсади нақша баромадаанд.
Аз рӯзи оғози маъракаи даъватӣ то ин дам иҷрои маъракаи даъват ба хизмати ҳарбӣ дар вилояти Суғд 43 фоиз иҷро шуд, изҳор доштааст Маҳмадализода дар суҳбат бо “Ховар”.
Манбаъ афзуд, вилояти Хатлон 45,1 дарсад, шаҳру ноҳияҳои тобеи ҷумҳурӣ 77 фоиз ва шаҳри Душанбе 74,3 фоизи нақшаро иҷро намудааст.
Вазорати мудофиаи ҷумҳурӣ таъкид намуд, ки дар маҷмуъ то ҳол 16 шаҳру ноҳия маъракаи даъватро ба анҷом расонидаанд.
Феълан дар Тоҷикистон даъвати баҳории шаҳрвандони солҳои таваллуди 1994-2003 дар тамоми шаҳру ноҳияҳои мамлакат маъракаи даъвату гусели шаҳрвандон ба хизмати ҳатмии ҳарбӣ муташаккилона оғоз ёфт.