ДУШАНБЕ, 4 апр – Sputnik. Як рӯз пеш 9021 ҳолати нави гирифторӣ ба қайд гирифта шуда буд. Суръати афзоиш то 0,19 фоиз коҳиш ёфт.
Ҳамин тавр, 357 нафар фавтид, боз 8212 нафар беморон аз муассисаҳои тиббӣ мураххас шуданд.
Бештар аз ҳама беморони нав дар Маскав - 1901 (як рӯз пеш - 2011), Санкт-Петербург - 711, инчунин дар вилояти Маскав - 598; камтар аз ҳама дар вилояти Магадан - як ҳолат, дар Тува - ду ҳолат.
Шумораи умумии гирифторони коронавирус дар Русия аз оғози пандемия то кунун ба 4 580 894 нафар расидааст, ки аз онҳо 100 374 нафар фавтида, 4 204 081 нафар шифо ёфтанд.
Тибқи иттилои Созмони Ҷаҳонии Беҳдошт, дар саросари ҷаҳон 129,9 миллион ҳолати гирифторӣ ба вируси корона вуҷуд дорад.
Донишгоҳи Ҷон Ҳопкинс тахмин мезанад, ки шумораи онҳо аз 130,7 миллион зиёд шудааст. Зиёда аз 2,8 миллион нафар қурбони ин беморӣ шуданд.
Иёлоти Муттаҳида, Бразилия, Ҳиндустон ва Фаронса ба сироят бештар осебпазир шуданд. Русия дар ҷои панҷум дар ин рӯйхат қарор дорад.
Баъдан Бритониё, Италия, Туркия, Испания ва Олмон меистанд.