ДУШАНБЕ, 2 апр — Sputnik. Кишварҳои Ғарб кӯшиши заиф кардани муносибатҳои Русияро бо кишварҳои Осиёи Марказӣ доранд, изҳор дошт вазири корҳои хориҷии Русия Сергей Лавров дар мусоҳиба бо барномаи "Бозии бузург" дар Шабакаи аввали Русия.
"Ҳаҷми робитаҳои иқтисодӣ, ки Иёлоти Муттаҳида ва кишварҳои Иттиҳоди Аврупо ҳоло бо Осиёи Марказӣ месозанд, бо ҳамгироии иқтисодии мо қиёспазир нестанд, аммо ҳадафи гузошташуда (аз ҷониби Ғарб - идора) якранг аст - аз ҳар ҷиҳат суст кардани робитаҳои мо бо иттифоқчиён ва шарикони стратегии мо", - гуфт вазири корҳои хориҷии Русия.
Ба қавли ӯ, Иёлоти Муттаҳида дар ин самт фаъолона кор мекунанд, махсусан дар муносибат бо Қирғизистон, Қазоқистон, Тоҷикистон, Туркманистон ва Ӯзбекистон.
Дар ҳамин ҳол, Русия низ дар Осиёи Марказӣ илова бар СҲШ, ИДМ, Иттиҳоди иқтисодии АвруОсиё, СПАД, формати "5+1" дорад. Ба он панҷ кишвари Осиёи Марказӣ ва Федератсияи Русия дохил мешаванд.
Мудири Маркази тадқиқотҳои геопалитикии Донишгоҳи славянии Русияву Тоҷикистон Гӯлаз Майтдинова пештар гуфт, ки кишварҳои Осиёи Марказӣ ва Афғонистон бояд бо Русия, ИМА ва Чин муттаҳид шаванд, то амниятро дар Осиёи Марказӣ таъмин кунанд.