ДУШАНБЕ, 2 апр – Sputnik. Соли 2020, бештар аз дигарон, шаҳрвандии Русияро бошандагони кишварҳои собиқ ИҶШС, аз ҷумла Тоҷикистон қабул карданд, менависад RT бо истинод ба ВКД - и Русия.
Инчунин, шаҳрвандони Қазоқистон, Арманистон ва Украина низ дар гирифтани шаҳрвандии Русия пешсаф мебошанд.
Дар ҳамин ҳол, ба гуфтаи Олга Чудиновских, мудири озмоишгоҳи иқтисод ва демографияи аҳолӣ дар факултаи иқтисодии Донишгоҳи давлатии Маскав, ин кишварҳо қаблан низ яке аз пешсафтаринҳо буданд.
"Инҳо одамоне ҳастанд, ки ба Русия кӯчида, муддате бо иҷозати иқомати муваққатӣ зиндагӣ карда, сипас солҳо дар ин ҷо фаъолият карда, андоз месупориданд ва билохира дар ин замина соҳиби шаҳрвандӣ шуданд", - хулоса намудааст Чудиновских.
Дар ҳамин ҳол, соли гузашта шаҳрвандии Русияро 656 ҳазор хориҷӣ ба даст оварданд, ки ин нишондиҳанда соли 2019 ба 498 ҳазор нафар баробар буд.
Зимнан, давоми моҳҳои январ - феврал ҳудуди 100 ҳазор нафар соҳиби шиносномаи русӣ шуданд.
Бояд гуфт, ки қаблан роҳбари Сарраёсати муҳоҷирати Вазорати корҳои дохилии Русия генерал-лейтенант Валентина Казакова изҳор карда буд, айни замон дархостҳо барои гирифтани шаҳрвандии Русия танҳо дар се моҳ баррасӣ карда мешаванд.