ДУШАНБЕ, 2 апр – Sputnik. Дар Маскав дар як бинои воқеъ дар наздикии метрои Парк култури дар сӯхтори шадид рух дод.
Хадамоти ҳолатҳои фавқулода хабар доданд, ки қариб 100 нафарро аз дохили бино кӯчониданд.
Дар бинои ҳафтошёна якчанд нуқтаҳои хӯроки умумӣ мавҷуданд.
Аз ҷумла дар ошёнаҳои якум ва дуввум тарабхонаи тезпази Burger King, KFC, инчунин дафтари ширкати Megafon ҷойгир аст.
Аз тирезаҳои ошёнаи дуюм шуълаҳои оташ намоён аст ва аз дудкашщо абрҳои ғафси дуди сиёҳ мебарояд. Ҳаракати мошинҳо ба сӯи пули Қрим душвор шудааст, зеро дар роҳ тақрибан 10 дастаи оташнишонӣ истодаанд.
Сабабҳои сӯхтор ҳанӯз муайян карда нашудаанд. Дар гирду атрофи бино издиҳоми зиёди шоҳидон ҷамъ омадаанд.
Тибқи маълумоти пешакӣ, сӯхтор ягон талафот дар пай надорад.