ДУШАНБЕ, 29 мар — Sputnik. Ба иттилои шоҳидон, сӯхтор шоми имрӯз дар маҳаллаи “Селхозтехника”-и шаҳри Хоруғ рух дод.
Дар пайи сӯхтор чор хонаи истиқоматӣ хароб гардида, сокинони маҳаллӣ ва оташнишонҳо тавонистаанд, аз паҳншавии он ба манзилҳои дигар ҷилавгирӣ намоянд.
Таъкид шудааст, ки бар асари сӯхтор талафоти ҷонӣ ба қайд гирифта нашудааст.
Сабаби сӯхтор расиши ноқилҳои барқӣ арзёбӣ мегардад, аммо расман ин иттилоъ тасдиқ нашудааст.
Мақомоти оташнишонии Тоҷикистон дар бораи ҳодиса ва хисороти он феълан шарҳе ироа накардаанд.