ДУШАНБЕ, 26 мар— Sputnik. Ба гуфтаи Президенти Фаронса, Русия ва Чин талош доранд, ваксинаҳои бар зидди коронавирусро ҳамчун як василаи таъсиррасон истифода кунанд. Вай аз кишварҳои Аврупо даъват кард, ки дар тавлиди ваксинаҳо мустақилият нишон диҳанд.
"Муҳтарам Эммануэл Макрон, мо талош дорем, ки ваксинаҳо аз сиёсат дур бошанд - ин умеди беҳтарини мо барои сулҳ дар тамоми ҷаҳон аст, на барои ҷанг", - таъкид доштанд таҳиягарони “Спутник V” дар сафҳаи расмии ваксина дар Твиттер.
Муаллифони ин паём аз Фаронса даъват карданд, ба қатори кишварҳое, ки тасмим истеҳсоли ин ваксинаро дар дохили кишварҳояшон гирифтаанд, пайвандад.
"Истеҳсоли ваксинаҳои гуногун роҳи истиқлолияти ваксинаӣ мебошад. Мо дар якҷоягӣ тавонмандтарем!" - таъкид шудааст дар ин пайём.
Чанде пеш Италия эълон кард, ки имкон дорад ваксинаи Русия дар ин кишвар тавлид шавад.
Владимир Путин қаблан қайд кард, ки Маскав ихтирооти худро ба касе маҷбуран тавсия намедиҳад, аммо суоле ба миён меояд, ки мақомоти Аврупо аз манфиатҳои кӣ ҳимоят мекунад - шаҳрвандон ё ширкатҳои дорусозӣ.
Дар Русия аллакай се ваксинаи зидди коронавирус ба қайд гирифта шудааст: “Спутник V” аз Маркази Гамалея, “ЭпиВакКорона” аз маркази “Вектор”-и Новосибирск ва “КовиВак” аз Маркази ба номи Чумаков.