ДУШАНБЕ, 22 мар - Sputnik. Дар Норвегия, пас аз ваксина бо AstraZeneca, боз ду марги дигар муайян карда шуд, хабар медиҳад Агентии дорусозии Норвегия.
Шумораи умумии фавтидагон дар кишвар пас аз эмкунӣ ба се нафар расид.
"Қаблан дар бораи панҷ беморе, ки пас аз ваксина бо AstraZeneca дар беморхона бистарӣ шуда буданд, хабар дода шуд. Муайян карда шуданд, ки дар онҳо омезиши тромбоз, хунравӣ ва миқдори ками тромботситҳо мавҷуд аст. Яке аз онҳо дар аввали ҳафта фавтид, акнун дар бораи ду марги дигар нав маълум шуд",- омадааст дар иттилоияи мақомоти Норвегия.
Ҳоло дар Норвегия наметавонанд робитаи байни доруи AstraZeneca ва марги беморонро тасдиқ ё инкор кунанд.
Ёдовар мешавем, ки тақрибан 15 кишвари ИА истифодаи ваксинаҳои AstraZeneca -ро қатъ карданд. Сабаб - марги эҳтимолӣ пас аз ваксина ё таъсири манфии шадид гуфта мешавад.