ДУШАНБЕ, 19 мар - Sputnik. Кормандони милитсия сокини 22 - солаи Душанберо ба гумони ташкили фоҳишахона боздошт намудаанд.
Котиботи Вазорати умури дохилаи Тоҷикистон хабар медиҳад, ки манзили номбурда дар ноҳияи Шоҳмансур ҷойгир буда, ӯ аз ҳар як ҷуфте, ки аз хонааш истифода мекарданд, 200 сомонӣ мукофотпулӣ гирифтааст.
Манбаъ меафзояд, боздоштшуда танҳо дар як рӯз манзили худро ба навбат дар ихтиёри се ҷуфт гузошта, дар умум 600 сомонии муфтро ба даст овардааст.
Дар ду ҳолат муштариёни ӯ сокинони пойтахт буда, ду ҷуфти дигари охирон, марди 29 - сола аз шаҳри Ваҳдат ва зани 31 - сола аз Душанбе буданд, ки бар ивази маблағ аз манзили номбурда истифода намуданд.
ВУД Тоҷикистон мегӯяд, ҳоло нисбати ин ҳодиса тафтишот идома дорад.
Чанд рӯз пеш, зани 55 - сола низ дар Душанбе боздошт шуд, ки манзили худро ба фоҳишахона табдил дода, то 200 сомонӣ аз муштариён талаб мекард.
Ёдовар мешавем, ки тибқи тағйиру илова ба Кодекси оила, шахсоне, ки ба ташкил ё нигаҳдории фоҳишахонаҳо, инчунин даллагӣ машғул мебошанд, аз ҳуқуқи падарӣ ва модарӣ маҳрум мегарданд.