ДУШАНБЕ, 17 мар – Sputnik. Дар Душанбе ба 100 оилаи ниёзманд кӯмаки моддии яквақтаина расонда шуд, хабар медиҳадагнетии Ховар.
Ба иттилои манбаъ, кӯмаки мазкур дар арафаи ҷашни "Наврӯз" аз ҷониби вакили Маҷлиси вакилони халқи шаҳри Душанбе Нурҷаҳон Исмоилзода расонда шуд.
Иловатан дар расондани кӯмаки мазкур кумитаҳои иҷроияи Ҳизби Халқии Демократии Тоҷикистон дар шаҳри Душанбе ва ноҳияи Сино ҳам даст доранд.
манбаъ меафзояд, кӯмаки расонидашуда, аз орд, равған, картошка, пиёз, шакар, макарон, биринҷ ва дигар маҳсулоти ниёзи аввал иборат буд.
"Ин иқдом дар доираи сиёсати пешгирифтаи Эмомалӣ Раҳмон ва раиси шаҳри Душанбе Рустами Эмомалӣ, роҳандозӣ гардид", - таъкид мешавад дар хабар.
Ёдовар мешавем, ки Ситоди ҷумҳуриявӣ оид ба пешгирӣ аз паҳншавии коронавирус дар Тоҷикистон баргузории Иди байналмилалии Наврӯзро дар кишвар расман иҷозат дод.
Тибқи қарори ситод, баргузории чорабиниҳои фарҳангию варзишӣ, тантанаҳои идона дар Наврӯз иҷозат шуда, аммо намоишҳои оммавии театрӣ дар майдонҳо ҳанӯз ҳам манъ карда шудаанд.