ДУШАНБЕ, 13 мар — Sputnik. Дафтари матбуоти раиси шаҳри Хуҷанд таъкид доштааст, ки дар амалиёти мазкур зиёда аз 40 адад мошинҳо нигоҳ дошта шуда, бо истифода аз дастгоҳҳои махсус аз муоинаи экологӣ гузаронида шуданд.
Гуфта шудааст, ки иқдоми мазкур бо мақсади кам кардани таъсири зарароварии ихроҷи газҳои нақлиёти автомобилӣ ва дигар намуди сӯзишворӣ ба муҳити атроф роҳандозӣ карда шудааст.
Мақомоти шаҳри Хуҷанд қайд кардааст, ки дар ҷараёни амалиёти “Ҳавои тоза” ба вайронкунандагони қонун ҷиҳати бартараф намудани он дастурҳо дода шуда, нисбат ба якчанд нафар санадҳои маъмурӣ тартиб дода шуданд.
Зикр шудааст, ки ташкили чунин чорабиниҳо ба шаҳрвандон имкон медиҳад, ки аз ҳавои софу беғубор ва тозаи муҳити атроф нафас гиранд.