ДУШАНБЕ, 9 март - Sputnik. Дар Тоҷикистон вазъияти хавфноки тармафароӣ боқӣ мондааст, хабар медиҳад Кумитаи ҳолатҳои фавқулодаи ҷумҳурӣ бо истинод ба Агентии ҳавошиносии кишвар.
Бо сабаби зиёд шудани заминаи ҳарорат ва эҳтимолияти боришот, тармафароӣ, фаромадани сангҳо ва инчунин омадани сел пешгӯӣ карда мешавад.
Ғайр аз ин, таҳдиди баланд шудани сатҳи об дар дарёҳое, ки аз нишебиҳои ҷанубии қаторкӯҳи Ҳисор ва дарёҳои Обихингоб, Қизилсу ва Яхсу мерезанд, таҳдид мекунад.
"Аз 9 то 15 март дар минтақаҳои кӯҳии тобеи ҷумҳурӣ (НТҶ), дар нишебиҳои ҷанубии қаторкӯҳи Ҳисор ва дар ғарби ВМКБ тармафароӣ имконпазир аст", - гуфтаанд дар Агентӣ.
Ҳавошиносон қайд мекунанд, ки сел инчунин дар водиҳо ва минтақаҳои наздикӯҳии вилояти Хатлон, вилояти Суғд ва минтақаҳои тобеи ҷумҳурӣ (НТҶ) имконпазир аст.
Дар робита ба ин, кумита аз шаҳрвандон дархост кардааст, ки чораҳои бехатарии шахсӣ, худдорӣ аз сайругашт дар кӯҳҳо ва минтақаҳои тармафаро риоя кунанд.
Бо мақсади пешгирии обхезӣ дар кӯчаҳо ва хонаҳо, КҲФ инчунин аз аҳолӣ ва хадамоти коммуналии кишвар дархост мекунад, ки тамоми ҷӯйборҳо ва ҷӯйборчаҳои назди хонаҳояшонро тоза кунанд.