ДУШАНБЕ, 5 мар— Sputnik. Кормандони милитсия, сокини 55 - солаи шаҳри Душанберо боздошт намуданд, ки дар ташкил ва нигаҳдории фоҳишахона муттаҳам дониста мешавад.
Ба иттилои котиботи Вазорати умури дохилаи Тоҷикистон, ин зан манзили истиқоматии худро ба фоҳишахона табдил дода, аз муштариёнаш маблағ мегирифт.
Номбурда, аз ҷумла рӯзи 4 март, тахминан соати 13:00 манзилашро дар ихтиёри марди 27 - сола ва зани 20 - сола гузашта, бар ивази хизмати расондаи худ аз онҳо 200 сомонӣ мукофотпулӣ гирифтааст.
Илова бар ин, худи ҳамон рӯз боз барои ҷавони 25 - сола ва зани 20 - сола, ки ҳар ду сокинони Душанбе мебошанд, шароит муҳайё намуда, аз онҳо ҳам 200 сомонӣ талаб карда, гирифтааст.
ВУД Тоҷикистон мегӯяд, феълан тафтишот дар ин самт идома дорад.
Чанде пеш Кумитаи кор бо занон ва оила пешниҳод намуда , ки дар баробари занони танфурӯш, мардон, ки муштариёни онҳо мебошанд, бояд ҷазои саттар гиранд.
Илова бар ин пешниҳоде шудаст, ки "даллаҳо" ва соҳибони фоҳишахонаҳо бояд аз ҳуқуқи падарӣ ва модарӣ маҳрум карда шаванд.